TACLOBAN CITY– Maabot na ha 401 nga stranded passengers an naitala han PCG District Eastern Visayas, matungod han Tropical Storm Basyang.
Sumala kan Ensign Ryan Jaime Tolentino, Information Officer ng PCG District Eastern Visayas, ha nasabi nga ihap han mga stranded passengers pinakadako dinhe,an nahipatik ha Southern Leyte, kun diin igin-isa ine ha Signal No. 2 , ngan ginlalauman naman nira nga posible pa nga madugangan an nasabi nga ihap ha mga masunod nga oras.
Dugang pa hine, labot la 196 stranded rolling cargoes ngan 2 nga stranded vessel, samtang ada naman ha 19 an mga nag taking-shelter nga mga vessels, ngan 23 nga motor-bangka an ira nahipatik nga report nga mga stranded.
Ha pagkayana, waray pa hira nakakarawat nga report nga mayda nahipatik nga missing matungod hiton maraot nga panahon.
Ginpaangbit pa hine, nga waray pa liwat hira magdumara hin force evacuation tikang ha ira han-ay, labot la ha mga nagboluntaryo nga mag-evacuate nga mga residente nga nag-uukoy ha ligid hiton dagat, magin adton ada ha low lying areas nga posible madarahigan kun magkamayda hin landslide.
Ginsigurado naman hine nga naka-standby an tanan nga sangay nga PCG ha rehiyon, agud nga ig-monitor an dalagan han bagyo.
