NATIONAL NEWS– Naglalaom an Philippine Chamber of Commerce and Industry (PCCI) nga magigin dalan para ha accountable ngan merit-based appointment an nagin kamanduhan ni Pang. Ferdinand Marcos Jr. ha mga cabinet members ha pagsasalawad hiton courtesy resignation.
Subay ha pinakadako nga grupo han mga negosyante ha nasud nahikalasan an mga ine han tigda la nga magpagawas hin kamanduhan an Pangulo kasumpay hiton cabinet revamp agud nga mapabilin nga maupay an administrasyon ngan ekonomiya han nasud.
Sugadman, naglalaom an grupo nga magigin dalan ine ha pagkaka-appoint han mga kwalipikado ngan accountable nga opisyal.
Gindig-unan han grupo an importansya hiton pagbiling han mga lider nga may kapasidsad ngan naglalaom an mga ine nga dayon ig-aanunsyo an mga bag-o nga appointments ha dagmit nga panahon, agud nga mapugngan an posibilidad han uncertainty o kawaray kasiguradughan ngan instability ha economic activity han bug-os nga nasud.
