-- Advertisements --
Nanawagan hi Presidente Ferdinand Marcos Jr. ha mga Pilipino nga igpabilin an bayanihan ha butnga han padayon nga paghitaas han presyo han lana durot han kasamok ha Middle East.
Sumala ha presidente, importante nga magbinuligay an kada usa ngan magpa-angbit hin sakto nga impormasyon agud dire na mas dumuro pa an sitwasyon.
An pagpapasarang hin mga sayop nga notisya in dugang nga problemahon ha nae-eksperyensyahan nga kakuri han publiko.
Ginkilala gihapon han presidente an gin aagian han mga molupyo, labi na han sektor han transportasyon.
Gin sigurado hini nga mayda nakaandam nga ayuda ngan subsidiya an gobyerno para ha mga apektado, ngan dire hira papabay-an.
