TACLOBAN CITY – Padayon nga gintutudlok han mga otoridad an pangilal-an han nakit-an nga patay nga lawas nga mayda mga igo hin bala ha parte han lawas hini.
Sumala kan SPO3 Kenneth Valley, Chief of Police han Pinabacdao MPS, waray pa pangilal-an an biktima nga ginbabana-bana ada ha 30 anyos an pangidaron mahuman ini nga makit-an nga waray na kinabuhi ha Brgy. Madalunot National Highway ha mao nga bungto.
Una hini, usa nga concerned citizen an dumangop ha mga kapulisan mahuman hini nga makit-an an mao nga patay nga lawas ngan dayon nga tumawag ha SOCO team para imbestigaran an nakit-an nga inig-an hin bala han biktima.
Usa naman nga lalaki nga waray magpangaran an nag-istorya nga dida han nakalabay nga gab-i san-o makitan an biktima in mayda hira nabatian nga buto 2o metros tikang ha ira lugar ngan nakit-an gihapon nira an usa nga pick up ngan single motorsiklo nga tikadto ha norte nga direksyon.
Ha pagkayana in padayon an ginbubuhat nga imbestigayon han mga otoridad agud nga maaresto an mga nagpapaluyo han mao nga panhitabo.
Nanawagan naman an mga kapulisan ha publiko kun hin-o an nawawad-an hin paryente nga dayon nga makipagsumpayan ha ira agud nga maclaim na an lawas han mao nga biktima.
