TACLOBAN CITY– Waray na kinabuhi an usa nga estudyante, nga gin-aalegar nga ginlugos, ugsa patayon ha Guiuan Eastern Samar.
Ginkilala an biktima nga usa nga babayi, ngan estudyante han Guiuan National High School.
Ginkilala naman an suspek kan Christopher Tizon residente han Tacloban City.
Una hine, pasado alas- 9:00 hiton gab-i, gumawas an biktima ha ira panimalay, para manhuram hin costume nga gagamiton ha aktibidad han ira eskwelahan.
Samtang, an huhudman hine nga estudyante in ka live-in partner han suspek, ngan an suspek ngayan an iya ka text message, kun diin ginsundo ine ha ira panimalay, ngan gindara ine ha hirayo nga lugar.
Sumala kan Eastern Samar Police Provincial Office, Provincial Director, PCol Ernesto Macasil, an biktima in anay na nahireport nga nawawara.
Dayon naman nga nagdumara hin imbestigasyon an mga otoridad, kasumpay ha nasabi nga reklamo, kun nahibaruan an urhi nga kaupod han biktima an suspek nga taga Palanog Tacloban, ngan dayon ine ginkadto han mga otoridad agud nga dakpon.
Ha pagkadakop han suspek, hiya mismo in umamin, ngan nagtudlok kun hain mahihikit-an an biktima.
Nahitad-an an patay nga lawas han biktima ha Brgy. Baras, Guiaun , Eastern Samar kun diin
6.6 KM an kahirayo hine tikang ha ira panimalay.
Ha inisyal nga imbestigasyon, ha salaysay na gihapon han suspek, iya ginmal-malan an ulo han biktima, rasyon han dayon nga kamatayon hine.
Gindig-unan naman ni PCol Ernesto Macasil, nga ginkikita pa nira an iba nga angulo, ngan naghuhulat pa hira hin resulta tikang ha SOCO.
