TACLOBAN CITY– Nadakop an usa nga parupangisda nga nagdumara hin illegal fishing dida han Disyembre 4, 2022 ha Brgy. Mambajao, Maasin City.
Ginkilala an suspek kan Rey Ramos Magallano, 35 anyos, parupangisda ngan residente han Brgy. Mambajao, Maasin City.
Sumala kan PatrolMan Castor Saja PCR han Maasin City Police Station, nakumpiskar ha suspek an usa ka-unit hin motorized boat nga mayda estimated value nga P43,000.00, magkadurudilain nga fishing paraphernalia nga mayda estimated value nga P6,800.00 ngan 2 kilos hin anchovy fish (tugnos) nga mayda estimated market value nga P240.
Nagtalapas an mao nga suspek ha Section 7 han City Ordinance No. 2020-114 (Fishing with the use of superlight/improvised led bulb for Anchovy Fishing).
Ha pagkayana in nakadeteni na an suspek ha Maasin CPS para ha kaangayan nga dokumentasyon ngan proper disposisyon ngan gin-aandam na an sirot ha iya.
