-- Advertisements --
TACLOBAN CITY: Mag-papasarang han ira mga tinaglawas an PARDSS Anti-Crime and Rescue Group-8, ha may Sangyawan grounds agud nga makabulig ha pagbantay hiton seguridad ha nagtitikaharani nga kapartunan hiton syudad.
Sumala kan Nilo de Paz, Regional Director PARDSS Anti-Crime and Rescue Group-8, niyan nga gab-i magpapasarang hira hin 33 nga personnel nga magbabantay ha may Leyte Park.
Dugang pa hine, nga magdudugang pa hira hin tinaglawas pag-abot hiton petsa 28 yana nga Hunyo, ngan mag-duty an mga ine kutob na ha adlaw hiton kapyestahan hiton Tacloban.
Ha ira pagbana-bana, nakikipag kooperar naman an mga napakadto ha Sangyawan grounds, kun diin maaram na an mga ine han ira mga dire pwede dad-on ha mga matatawo nga lugar.
