NATIONAL – Utro nga ginduduso ni Speaker Ferdinand Martin Romualdez an usa nga importante nga balaudnon nga may panuyo nga ighatag an binulan nga hazard pay ha mga prosecutors.
Ine an House Bill No. 2664 nga nagsusuhestyon hin P5,000 nga binulan nga hazard pay ha mga prosecutors nga nakapot hin mga delikado ntga kaso sugad nala han pagdungog ha inquest, inisyal nga imbestigasyon, ngan mga pagdungog may paghisumpay ha terorismo, ilegal nga droga, panlimbong ngan korapsyon, laundering hin salapi, ngan iba pa nga delikado nga kriminal nga pagtalapas.
Igin pahayag ni Speaker Romualdez an importansya nga matagan hin hazard pay an mga prosecutor mahitungod nga naaatubang an mga ine ha magkaduru-dilain nga hulga.
Mga co-authors naman han nasabi nga balaudnon hira Tingog Party-list Reps. Yedda Marie K. Romualdez, Andrew Julian K. Romualdez, ngan Jude Acidre.
Igin punto han mga magbabalaod nga an mga prosecutors in komon nga target han mga kriminal.
Ha nasabi nga balaudnon, sakop hine an mga prosecutors tikang ha Department of Justice’s (DOJ) National Prosecution Service nga nakapot han mga high-risk cases, kaupod dinhi an mga dabi ha national security, transnational crimes, ngan environmental offenses.
