TACLOBAN CITY – Naghuman na an ginbuhat nga panrehistro para ha mga magigin opisyal nga mga botante para hiton Barangay ngan Sk Elections nga nakatalaan buhaton ha bulan hiton Oktubre 2023.
Kakulop nga adlaw in naghatag hin serbisyo ha mga Taclobanon pinaagi han ira Special Satellite Registration of Voters ha usa nga mall ha Marasbaras, Tacloban City.
Sumala kan Tacloban City Election Officer Atty. Ma. Goretti Cañas, nga ira ginlauman nga damo nga mga indibidwal an magpaparehistro, mahitungod nga nakadaras-an na manggud han mga Pinoy nga magparehistro ha katapusan nga adlaw.
Yinukot yukot nga mga Taclobanon an pumila ngan nagpakita hin interes para magparehistro para han tiaarabot nga piniliay 2023.
Target naman han City COMELEC nga makapagparehistro hin 5,000 nga mga botante, kun diin han nakalabay nga aldaw in umabot na ine, in ha 4,544 nga mga nagparehistro durante han registration period.
