TACLOBAN CITY – Utro nga magkakamay-ada hin Transport Strike an grupo nga PISTON o an grupo han mga drivers ngan mga Operators ha Sinirangan Bisayas yana nga maabot nga Mayo 22.
Ini in kataliwan han ira liwat gindumara nga Transport strike han hadi la nga Labor Day.
Sumala kan Francisco Penedilla, Presidente han PISTON- Eastern Visayas, nga utro hira nga magdudumara hin Tigil Pasada mahitungod nga pakyas la gihapon an Land Transportation and Franchising Regulatory Board (LTFRB-8) nga tagaan hin pagtagad an ira panawagan bahin han diri pagpaundang han pagphase out han 15 anyos paigbaw nga mga Jeep.
Nagtutuo naman hi Penedilla nga diri Solusyon an pagpamalit han bag-o nga mga Sarakyan lugod in makakahuot la ini ha kadalan ngan kawsa han Trapiko.
Pamatian ta an pahayag han Presidente han PISTON- R8 nga hi Francisco Penedilla
Yana naman nga Mayo 14, in magkakamay-ada hira hin Meeting kaupod an mga Drivers ngan Operators ha Sinirangan Bisayas agud nga igpinalisar an pagbubuhaton nga Transport Strike
