TACLOBAN CITY – Ginpahayag han Filipino-Chinese Chamber of Commerce Tacloban Chapter nga nagtitikahinay na an epekto han COVID-19 ha siyudad.
Sumala kan Eugene Tan, Presidente han Filipino-Chinese Chamber of Commerce Tacloban Chapter, nga maoobserbaran nga nadudugngan na an volume han mga tawo nga napakadto ha downtown tungod han paghamubo hiton ihap han nairerecord nga positive cases ha siyudad.
Kasumpay hini in hinay-hinay liwat nga nakakabawi iton ekonomiya han siyudad matungod nga durudamo nga mga customers na an napakadto ha mga establishemento ngan mga kaonan.
Sugadman, diri pa naman daw masisiring nga stable na o nakabalik na utro ha normal an pan negosyohan ha Tacloban matungod nga may posibilidad la gihapon ini nga humabubo utro kun madugngan na naman an positive cases ha siyudad.
