TACLOBAN CITY – Kaparte han padayon nga pakikig-ato han COVID-19 virus in gin anunsyo ni San Miguel, Leyte Mayor Atty. Norman Sabdao nga kutob nala dida hitun Disyembre 23, 2022 an ira panbakuna han covid-19 vaccine ngan waray na nira pagbubuhaton nga mga panbakuna sunod nga tuig 2023.
Padayon an iya pag aghat ha mga mulopyo han San Miguel nga kuhaon ini nga tsansa nga magpabakuna na mahitungod nga ini na an pinakaurhi nga higayon nga magkakaada hira hin panbakuna ha mao nga bungto, ngan kun gusto naman nga magpabakuna in kinahanglanon na nira nga pumakadto ha Department of Health o ha diin man nga mayda libre nga panbakuna.
Sumala kan San Miguel, Leyte Mayor Atty. Norman Sabdao han ekslusibo nga makaisturya han Bombo Radyo Tacloban nga diri ini paghatag hin diskriminasyon, kundi kinahanglanon la nira nga magbutang hin deadline agud magpabakuna na an mga waray pa magpabakuna.
