SAN MIGUEL, LEYTE – Arestado an suspek ha nahitabo nga pamusil ha Barangay Bagacay, San Miguel, Leyte dida han nakalabay nga adlaw.
Ginkilala an suspek kan alyas Cipriano, 63-anyos an pangidaron, residente han nasabi nga barangay, samtang an suspek naman in hi alyas Harvey, ngan residente han Alangalang, Leyte
Sumala kan San Miguel Municipal Police Station Officer in Charge, PCpt. Allan Calceta, away parte ha tuna an rason han pamusil.
Subay ha imbestigasyon, kumadto an biktima lokasyon han tuna nga ira gin aawayan han suspek ngan ginkompronta hine an suspek kun kay-ano nagpipinabalay ine ha nasabi nga tuna, kun diin nagresulta an komprontasyon ha pagkabatunay nga nagresulta naman han pamusil han suspek ha biktima.
Nagawas gihapon ha nakuha nga impormasyon nga napalit na han suspek an nasabi nga tuna maiha na, pero gin aangkon ine utro han biktima.
Samtang, nag-angkon naman hin inig-an ha may tiyan an biktima kun diin gindara ine dayun ha hospital.
Dayun naman nga naaresto an suspek, ngan ginpahibaro han iya mga katungod ha lenggwahe nga iya naiintidihan.
