ENTERTAINMENT – Nadukdok han pambato han India nga hi Rachel Gupta an korona han Miss Grand International 2024.
Nalabwan han pambato han India an 68 nga iba pa ha coronation night nga gindumara ha Bangkok, Thailand.
Igin pasa ni Miss Grand International 2023 Luciana Fuster han Peru an iya korona ha nagdaog nga hi Miss India.
Samtang, nakuha naman han pambato han Pilipinas nga hi Christine Juliane Opiaza an First-runner up.
Second runner up naman hi Thae Su Nyein han Myanmar, third runner-up an pambato han France nga hi Safietou Kabengele ngan 4th runner-up naman hi Talita Hartmann han Brazil.
Nakuha han Miss Ghana an Best in Evening Gown; Best in Swimsuit an pambato han Brazil; Miss Popular Vote an pambato han Indonesia; Country’s Power of the Year an pambato han Thailand; Grand Voice Award naman an nakuha han pambato han Trinidad and Tobago; samtang Best in National Costume an mga pambato han Brazil, Ecuador, ngan Honduras ; Charming by Chat Cosmetics an Miss Indonesia; Beauty Skin by Hya Booster Serum an pambato han Thailand ngan Myanmar ngan I’Aura Queen an nakuha han pambato han Myanmar.
