Gin rerespeto han Palasyo han Malakanyang an independensiya han Independent Commission for Infrastructure (ICI) kahuman han pag-anunsyo ni Baguio City Mayor Benjamin Magalong han iya desisyon nga magbul-iw kumo special adviser han komisyon nga nag-iimbestiga ha anomaliya ha infrastructure projects ha butnga han pagkabaraka ha posible nga conflict of interest.
Ha usa nga pahayag kakulop nga adlaw, Setyembre 27, ginmalatumat ni Presidential Communications Office (PCO) Acting Secretary Dave Gomez nga nakakapanhingarag an pagbubul-iw han alkalde, pero an demand daw han mga Pilipino an nagdaog kontra ha hin-o man.
Dugang pa han opisyal, an ICI nga ginbubug-os han mga kilala nga propesyunal nga mayda dire mapaparehasan nga integridad, in dayun nga gintikangan an ira trabaho ha syahan nga adlaw pala hin waray ginkakarag nga oras.
Syahan naman nga gin klaro ni Magalong nga waray conflict of interest ha iya trabaho kumo usa nga local official ngan special adviser han ICI.
