NATIONAL – Iginduduso ni Senate President Pro Tempore Jinggoy Estrada an pagtanggal han mandatory Senior High School (SHS) level ha K to 12 program agud himu-on nga mas maupay an sistema han basic education ha nasod.
Ha iginsalawad nga Senate Bill No. 3001, iginsaysay han senador nga aminado an mga opisyal han DepEd nga waray pa makab-ot han SHS program an panuyo-an hini para ha mga K to 12 graduates.
Ini in mahitungod ha napakadamo nga curriculum, overworked an mga magturutdo ngan estudyante, hamubo an employment rate han mga naggradwar ha SHS, kun diin 10% la an nasulod ha labor force ngan ka-urugan in ha mga informal sector pa.
Labot la hini, nakit-an gihapon ni Estrada an padayon nga paghamubo han kompyansa han publiko ha SHS program nga tikang 41% dida han tuig 2023, in humamubo ha 35% han tuig 2024 ngan lumaprak pa ha 33% yana nga 2025.
Pag-isplikar ni Estrada, panuyo-an han bala-odnon nga himu-on nga mas simple ngan mas hapsay an sistema han high school samtang ginsisiguro la gihapon an kalamidad han edukasyon nga akma ha pankalibutan nga standard.
Ha ilarom han rationalized basic education program, iginduduso ni Estrada an usa ka-tuig nga edukasyon ha kindergarten, unom ka-tuig ha elementarya, ngan upat ka-tuig ha secondary education o high school.
