METRO MANILA – Ginpahimatngon han grupo han mga truckers ha nasud an pag-iiban han mga ine hin biyahe, mahitungod han padayon nga paghitaas han presyo han mga produktong petrolyo.
Subay kan Alliance of Concerned Truck Owners and Organizations Vice President Rina Papa, naghangyo an mga truckers hin 30 ka- porsyento nga paghitaas han delivery rates han siyahan nga semana, yana nga Marso.
Dugang pa, bisan aprubaran ine han ira kliyente in nalulugi la gihapon hira hin ada ha 20 ka-porsyento hiton ira kuhida.
Kasumpay hini, mapipiritan an mga truckers nga mag-iban han ira biyahe labi na nga an ira kuhida in nahingangadto la ha krudo.
Waray gihapon hira plano nga magbuhat hin transport holiday mahitungod nga an trucking la an gintugutan nga magpadayon han panahon han pandemya.
Kun pananglitan man nga mag-iban hin biyahe in maapektaran gihapon an damo nga mga negosyo.
