-- Advertisements --
Naipasa na ha Office of the President an panukala nga balaod para ha pagsuspendi o pag-iban han excise tax ha lana ngan an utro nga pag-ugsod han Bangsamoro Autonomous Region in Muslim Mindanao (BARMM) elections.
Gin kumpirma ni Senate President Vicente “Tito” Sotto III an pagpasa hini han nasabi nga panukala nga balaod ha Malakanyang.
Syahan nga igin balik ha Senate President an panukala nga balaod nga panuyo ibanan o suspendihon an pangolekta han excise tax ha mga lana mahuman nga mapirmahan ini ni House Speaker Faustino Dy III.
Naglalaum naman hi Sotto nga mapirmahan na gihapon ini han Presidente agud maibanan an pas-anon an mga motorista ha padayon nga presyo han produkto nga petrolyo.
