NATIONAL – Gin-aadman na han kampo ni Senador Christopher “Bong” Go an pagpapasaka hin kaso kontra kan anay PCSO General Manager Ret. PLt.Col. Royina Garma mahuman nga mahidabi an iya pangaran ha “war on drugs” han anay administrasyon Duterte.
Kun manunumduman nga ginpahayag ni Garma ha hearing han quad committee hearing han Kamara nga kaupod ni anay Presidente Rodrigo Duterte ha nagplano han nationwide campaign ha pagkontra ha illegal nga droga hi Bong Go ngan ha pagpapatuman han reward system ha mga pulis nga nakakapatay ha mga nahihidabi ha illegal nga droga.
Sumala kan Go, nga kun kinahanglan nga magsalawad hiya hin kaso kontra kan Garma ngan gin-aadman na ini han iya legal team.
Samtang, andam naman an mambaraload nga magsalawad hin resolusyon para maghimo hin parallel investigation an Senado ha “war on drugs” han nakalabay nga administrasyon ni Duterte kaupod na an mga claims o mga pahayag ni Garma kontra ha iya.
