TACLOBAN CITY –
Durante han pagbisita ni Presidente Ferdinand Marcos Jr. ha bungto han Palo, Leyte han nakalabay nga adlaw, in nagpasabot ini nga gusto niya mahuman an paghingayad ngan naglalaum hin pinahusay nga Tacloban Airport pag abot han 2026.
Sumala kan Marcos nga sobra P2.5 Billion an igingahin nga pondo han administrasyon para han paghingayad han mao nga airport nga plano himuon nga usa nga International Airport.
”Isa na nga po rito ang ating patuloy na pagsasaayos sa Tacloban Airport na nagkakahalaga ng higit dalawa at kalahating bilyong piso. Noong dinaanan namin, noong nag-landing kami sa — itong magiging lumang airport, ay ipinapakita as akin ni Speaker, ‘ika niya malapit nang matapos ito. Baka next year puwede na nating i-inaugurate ‘yung terminal,” – Yakan ni Marcos durante han iya speech.
Naglalaum pa an presidente nga ha takna nga mahuman an paghingayad in maghahatag ini hin pinaupay ngan pinadagmit nga serbisyo ha mga katawhan.
”Ang ating ginagawa, ang Passenger Terminal Building, ang airport runway, at karagdagang daan sa airport… habang pinapalawak natin ang buong paliparan,” dugang pa ni Marcos.
Kun mahihinumduman naman in makadamo na kabeses nga nadelay an paghingayad han mao nga paluparan mahitungod han mga magkadurudilain nga mga rason.
Man ngani, in hasta yana, an Phase I diri la gihapon matapos-tapos.
An Tacloban Airport development project in ginkakalakipan naman han konstruksyon han New Passenger Terminal Building Phases I ngan II, asphalt overlay para han runway, ngan an airport perimeter road.
Basar naman ha Tacloban City District Engineering Office nga aada na ha 75% an access road tikang ha San Jose tikadto ha New Passenger Terminal Building han Daniel Z. Romualdez Airport.
