TACLOBAN CITY – Ginpa-prayoridad yana han bag-o nga market superintendent han syudad han Tacoban nga hi Recardo Ogardo, an paghingayad ngan paglimpyo han merkado-publiko.
Sumala pa hine, an dako nga problema han merkado in an pag taga-basura ngan drainage kun diin amu an ira syahan nga ginkairustoryahan han mga concerned heads han mga opisina nga nahitutungdan hine sugad han City Engineers Office ngan City General Services Office.
Kun diin amu daw an ira syahan nga aaksyunan mahitungod nga damo an araydon hine.
Plano gihapon hine nga igpa-declog o ig-siphon an mga drainages ha merkado agud matanggal an mga nagpakabara nga basura.
Dugang pa hine, barado an tulo nga dagko nga drainage han merkado sanglit kinahanglan ine ig declog agud makaawas hin maupay an tubig ngan dire magkawsa hin pagbabaha labi na ha may isdaan nga dapit ngan tikadto ha mga fish port.
Labot pa han nagkakalutaw ngan basura in nagkakawsa gihapon ine hin pagbaho han pira nga parte han merkado sanglit amu anay an ira uunahon nga aydon.
Samtang, ginpasabot naman hine nga kada adlaw na an pagdumara hin flushing ha ngatanan nga section han merkado ngan duha kabeses na gihapon ha usa kaadlaw ginkokolekta an mga basura.
