NATIONAL – Kinahanglan nga igkonsidera han Land Transportation Office (LTO) an epekto han paghuran han OFW remittances ha maabot nga kapaskuhan ha paghitaas han pamaligya han mga sarakyan ngan ha mga kikinahanglanon nga plaka han mga ine.
Ine an suhestyon ni Senate Majority Leader Francis ‘Tol’ Tolentino kan LTO chief Vigor Mendoza, ha butnga han 9 million license plates nga backlogs han ahensya.
Igin eksplikar han senador nga dire daw kaparehas han four-wheeled vehicles nga ginbabalyuan kada upat ngada ha unom katuig o sobra pa, in mas madagmit daw an turnover han motorcycle sales. Sanglit kinahanglan daw nga lauman an paghitaas han pamaligya han mga sarakyan, sugadman an pagdamo han panginahanglan para han mga bag-o nga plaka.
Umabuyon naman kan Tolentino hi Mendoza ngan ginpahayag nga igkokonsidera ine han ira ahensya ha pagresolba ha ira mga backlogs ha pag-iisyu han plaka partikular na an para ha mga motorsiklo.
