TACLOBAN CITY– Ginmalatumat hiton Department of Health Eastern Visayas, nga umabot ha 736 an ihap hiton mga undtoward incident han nakalabay nga Holiday season.
Ha nasabi nga ihap, maabot ha 527 dinhi in matungod ha vehicular accidents, 209 naman tikang ha maglain-lain nga insidente sugad hiton pagkahulog, pagkapaso, kriminaldad, pagkasamad, pagkalunod, ngan mga nakagat hiton hayop.
Sumala kan Department of Health Eastern Visayas, Information Officer, Jelyn Lopez, Malibago, kadam-an ha mga ine in kalalakin-an nga nag-eedad hin 21-30-anyos ngan nagtikang ha probinsya han Leyte.
Ha kabug-usan nga ihap,470 an mga naidara ha opsital, ngan dayon naman an mga ine natagan hin medikal nga atensyon ngan nakapanguli na ha ira mga panimalay.
Maabot naman ha 38 an mga ginkinahanglan nga igbalhin ha hitaas nga pasilidad para matagan hin tambal, 26 naman an bumaribad nga magpa -admit ngan ada naman ha 184 an nagpapabilin pa ha ospital nga padayon nga napapaupay, samtang ada naman ha 18 an ihap han mga naitala nga namatay.
