TACLOBAN CITY– Maabot ha 187 nga mga tinaglawas han Philippine National Police (PNP), an ginpasarang ha syuadad han Ormoc City, kasumpay han gindumara nga National Rally for Peace, han mga Iglesia ni Cristo (INC).
Sumala kan Ormoc City Police Station, Information Officer, PMAJ, Ronnie Abendan, labot la han mga pulis, kasugbong gihapon nira an Bureau of Fire Protection (BFP), Coast guard, ngan sugadman mag Philippine Army, nga nagpatuman hin seguridad ha nasabi nga aktibidad.
Dugang pa hine nga, ha ira nagin kabug-usan nga assestment, nagin mahimyang naman an nasabi nga gios protesta han mga miyembro han Iglesia ni Cristo, matungod nga an panuyo han nasabi nga demonstrasyon, in pagsuporta ha panawagan ni Pangulong Marcos Jr. nga dire igdayon an impeachment case ala-kontra kan Vice President Sara Duterte, lugod in magka-urusa ngan magkamayda hin mahimyang nga nasud Pilipinas.
Manunumduman, nanawagan an Pangulong Marcos Jr., nga dire igdayon an impeacment kontra kan VP Sara, matungod waray ine maupay nga magigin resulta.
