HEALTH NEWS — Damo nga mga sakit an posible makuha labi na ha pag-abot han pagkalagas, kalakip na dinhi an Alzheimer’s Disease. An Alzheimer’s Disease in ginkikilala nga pinakasarang nga klase hin dementia o an pagluya han mental nga abilidad han usa nga tawo. Base ha datos, maabot 179,000 Pilipino in mayda klase hin dementia ngan kaupod hini an Alzheimer’s Disease.
An pinakakilala nga sintomas han Alzheimer’s Disease in an pagiging kalimtanon. Bisan normal la nga makalimot ha iba nga butang, an lebel han pagkalimot ha sakit in mas grabe ngan nakaaapekto na ha kinada-adlaw nga panginabuhi.
Labot ha pagiging kalimtanon, pwede gihapon makitaan hin agresibo nga gios ngan pagiging mapaghinala an tawo nga mayda Alzheimer’s Disease.
Bisan man nga waray tambal an Alzheimer’s Disease, may mga pamaagi naman agud maibanan an mga sintomas hini sugad han pag-inom hin medikasyon ngan pagpapailarom ha magkalain-lain nga klase hin therapy.
