Igin ugsod han Pre-Trial Chamber I han International Criminal Court (ICC) an nakatalaan nga pagdungog para ha confirmation of charges kontra kan anay Presidente Rodrigo Duterte, nga orihinal nga gintalaan ha Setyembre 23, 2025.
An desisyon in resulta han hangyo han kampo ni Duterte nga madelatar an pagdungog mahitungod ha ira pahayag daw dire ine “fit to stand trial” o dire hine kaya umatender ha pagdungog mahitungod ha kabutang han iya panlawas.
Subay ha ICC, limitado nga postponement an iginpatuman agud tagan hin dalan an pagresolba ha nasabi nga hangyo ngan iba pa nga kasumpay nga istoryahon.
Dissenting opinion naman an iginpalusad ni Judge María del Socorro Flores Liera, nga dire abuyon ha pagpapaugsod han pagdungog.
An panuyo han confirmation of charges hearing in agud matudlok kun mayda supresyente nga ebidensya agud igpadayon an kaso ha trial phase.
Kun makumpirma an mga akusasyobn, igbabalhin an kaso ha Trial Chamber para ha pormal nga pagdungog.
