TACLOBAN CITY — Ginpahayag han Bayan Muna Party-list nga usa la nga diversionary tactic han rehimeng Duterte an plano nga pagdeklara hin marshall law, holiday ngan an Earthquake drill ha Manila agud nga ig distract an pagbubuhaton nga malawakan nga gios protesta han pira nga mga grupo kadungan an ika 45 anibersaryo han Martial Law declaration yana nga maabot nga setyembre 21.
Sumala kan Rep. Carlos Isagani Zarate, han Bayan Muna party-list nga damo an ginhihimo nga pamaagi han administrasyon Duterte agud nga mapugngan ngan mahadlok an mga katawhan nga magpagawas ngan magpahayag han ira mga (saloobin).
Dugang pa niya nga mahinungdanun an pagbubuhaton yana nga paghinumdum han deklarasyon han Marshall Law tungod nga ha presente nga administrasyon in sugad sugad na gihapon an natatabo han panahon han rehimeng Marcos nga kun diin damo yana an mga nagkakamamatay tungod han giyera ala kontra ha illegal nga droga.
An kaparte han pamahayag ni Rep. Carlos Isagani Zarate
Dugang pa niya nga diri na makurukarawat an natatabo yana nga kun diin waray la gihapon nakikitan nga pagbabago nga iginpatapod ni Presidente Rodrigo Duterte.
An dugang nga pamahayag ni Rep. Carlos Isagani Zarate, han Bayan Muna party-list
Ginlalauman naman nga damo nga mga magkadurudilain nga grupo ngan organisasyon an makikiusa ha malawakan nga gios protesta ha bugos nga nasud.
