-- Advertisements --
TACLOBAN CITY– Posible nga igpatuman hiton Commission on Elections- Comelec National, an ira plano nga igpaskil an mga ngaran kalakip an litrato hiton mga rehistrado nga botante ha listahan nga ig-bubutang ha gawas han mga polling precinct ha 2025 midterm elections.
Sumala kan Atty. Jose Nick Mendros, Regional Director Comelec Region 8, ine an nagin positibo nga baton han National Privacy Commission (NPC) ha hangyo han Comelec kasumpay ha pagpaskil han ngaran ngan litrato ha Posted Computerized Voters List (PCVL) nga igbubutang ha mga polling precinct ha adlaw han piniliay.
Dugang pa hine, nga nasabi nga pitad in magigin masayon para ha mga botante nga mabilngan an ira polling precinct agud nga mapadagmit an proseso hiton eleksyon.
