TACLOBAN CITY – Ginkikita nga dire gud dako iton epekto an pag-umento hiton presyo han lana ha produkto hiton pagkaon ha pagkayana.
Sumala kan Tacloban Filipino-Chinese Chamber of Commerce Infomation Officer, Hon. Colai Go nga matungod han sagunson nga roll-back ha presyo han lana han mga nakalabay nga semana in dire gud dako iton ig u-umento ha presyo hiton pagkaon.
Dugang pa ni Go nga tungod gihapon nga waray pagkiwa ha diesel dire gud sugad kadirekta an epekto hini ha iba pa gihapon nga mga produkto.
Ginkikita mga mayda la gutiay nga pag-umento pero ini in matungod hiton baraydan han transportasyon.
Samtang, ginmalatumat pa ni Go nga an paghitaas hiton presyo han produkto han lana in nakadepende ha pagkiwa han pamresyuhan ha world market, ngan matungod gihapon an kasamok ha middle-east.
