-- Advertisements --
TACLOBAN CITY– Gintikangan kakulop nga adlaw han Myerkules an pag renew han permits han magkalain-lain nga business ha syudad han Tacloban.
Sumala kan Gemafiel Gaspay, Head hiton Business Permits and Licensing Division, may-ada naka transact o nagbayad hin mga business permits hin maabot 100 nga mga indibidwal.
May-ada naman 46 nga mga naisyuhan han business permits ngan 66 nga transaksyons naman para ha mga sarakyan kun diin fully paid na ine hira.
Dugang pa han mao nga opisyal, nagkamay-ada hin guti-ay nga problema an system ngan internet connection pero nahimuan na hin pamaagi han head ngan information system.
Ginlalauman gihapon nga mas damo pa iton mga tawo nga makuha hin business permits yana nga adlaw.
