NATIONAL – Nakatalaan nga igsumite han administrasyon ni Presidente Ferdinand Marcos Jr., ha House of Representatives an panukala nga P6.352 trilyon nga budget para ha masunod nga tuig yana nga adlaw, Hulto 20.
An 2025 National Expenditure Program in pormal nga igsusumite ni Budget Secretary Amenah Pangandaman kan Speaker Ferdinand Martin G. Romualdez ngan iba pa nga opisyal han Kamara de Representantes.
An simple nga turnover ceremony in nakatalaan yana nga alas-10 hiton aga ha Romualdez Hall han Kamara ha Batasang Pambansa complex ha Quezon City.
Ha disperea han pagsusumite han NEP, ginpahayag ni Speaker Romualdez nga andam an Kamara para karawton ine ngan dayun nga tikangan an deliberasyon hine ha komite.
Dugang pa hine, pag-aadman hin maupay an nasabi nga budget ngan gagamiton an oversight function hine agud masiguro nga sakto an ginbubuhat nga paggastos han mga ahensya han gobyerno.
