TACLOBAN CITY – Nakuha ha usa nga buy-bust operation an gin-aalegar nga shabu nga nagkakantidad hin haros P500-K nga gindumara han Tacloban City Police Station 3 ha Brgy. 97, Cabalawan Tacloban City.
Sumala kan PMaj. Marjorie Manuta, Infornation Officer han Tacloban City Police Office, usa nga high-valued individual an suspek nga naaresto ha gindumara nga buy-bust operation han mga otoridad.
Ginkilala an suspek kan alyas “Mon”, 27-anyos an pangidaron, usa nga driver ngan residente han GMA Kapuso Village, Barangay 106, Sto Niño, Tacloban City.
Nakuha naman ha suspek an 11 ka-sachet han gintotoohan nga shabu nga nagtitimbang hin 52 kagramo ngan mayda naman market value nga P520,000.
Mag-aatubang naman an suspek ha kaso han violation han RA 9165 o Comprehensive Dangerous Drugs Act of 2002.
