Tacloban City– Sobra P4B an gin-alutaga nga budget han Department of Education para ha Aral Program.
Sumala naman kan Jerome Buenviaje – Assistant Secretary for Curriculum and Teaching han Department of Education Central Office, usa ini han mga pitad nga ginhimo han ira departamento agud mabaton an nagtitikadamo nga mga estudyante nga nakukurian pagbasa ngan pag-intindi.
Mababaruan nga ha pagkayana in mayda 853,510 nga naka-enrol ha grade 1 ngan 10, kun diin sobra 343,920 hini an magpapailarum han Academic Recovery and Accessible Learning o ARAL.
An P4 bilyones nga pondo, in naglalakip hin mga libro, mga gamit para han mga tutor ngan para ha mga estudyante, lakip gihap han pondo han mga pasilidad para magin komportable an mga ine.
Manunumduman , gintikangan na mangud han nakalabay nga adlaw an nasabi nga programa han DepEd, nga may panuyo nga ma-asisteran an mga estudyante ha ira pag-aram, pagbasa ngan makasabay ha ira academic.
