-- Advertisements --
TACLOBAN CITY– Maabot ha 30 nga panimalay an naugbaw hiton sunog ha Brgy. 39 Calvary Hill Tacloban.
Sumala kan Tacloban City Fire Station Fire Marshall Anthony De Paz, dako na an kalayo han pag-abot han ira team, kun diin an nasabi nga 30 nga panimalay in gindeklara nga totally burn.
Ginbabana-bana naman nga maabot ha P3M an kabug-usan an ginbayaan nga danyos han nasabi nga sunog.
Mababaruan, nga himu ha light materials an tanan nga mga panimalay, sanglit nga dayon nagsarang an kalayo.
Waray naman may nahireport nga nasamaran ngan namatay ha nasabi nga sunog.
Ha pagkayana, padayon an ginhihimo nga imbestigasyon han mga otoridad, agud nga matudlok an rason han kalayo.
