TACLOBAN CITY – Maabot ha bug-usan nga P 3.8 million nga kantidad han illegal nga droga an nakumspikar han mga otoridad ha skaob han usa ha semana nga drug buy-bust operations nga ira gindumara ha Rehiyon-8.
Ha 20 regionwide buybust operations, maabot 23 nga mga drug personalities gihapon an naaresto kun diin 21 ha mga ine an aada ha drug watch list ngan duha naman in waray ha listahan.
14 ha mga ine an street level individuals ngan 9 naman an high value individuals.
Ha nasabi nga kantidad han nakumpiskar nga illegal nga droga, pinaka dako nga operasyon an ginbuhat ha Ormoc City kun diin maabot 2.9 million pesos nga illegal nga droga an nakumpiskar han mga otoridad han yana la nga nakalabay nga Marso 9.
Sumala kan Plt. Col. Ma. Bella Duque Rentuaya Information Officer han Police Regional Office-8, an nasabi nga accomplishments nira ha rehiyon in nagresulta han ira sumpayan ha mga partner agencies ngan kumpanya ala kontra ha droga.
Ginsiguro naman hine nga dire maundang ngan magpapadayun an ira operasyon nga pagbubuhaton para magin drug free region an bug-os nga Eastern Visayas.
