-- Advertisements --
TACLOBAN CITY – Preparado na an Commission on Elections han Ormoc City yana nga tidaraon nga May 9 elections.
Sumala kan Atty. Ma. Gorreti Cañas, Election Officer han Ormoc City, nagdumara na hira hin deployment plan ngan retrieval han mga vote counting machines, ballot boxes ngan iba nga mga election equipment san-o paman umabot ngan mahuman an piniliay.
Kakulop nga adlaw, kasugbong an PNP ngan AFP, nagdumara an COMELEC hin meeting bahin hiton security plan nga paghihimuon para ha mahimyang ngan talwas nga piniliay.
Ha pagkayana in naghuhulat nala an Ormoc City COMELEC hiton schedule han pagkaabot han mga VCM’s, ballot boxes ngan mga baterya nga gagamiton ha mga polling precincts han ira siyudad.
