INTERNATIONAL – Nagdumara hin gios-protesta ha sakob han parliament han Serbia an mga opposition lawmakers han mag-itsa an mga ini hin smoke grenade ngan an iba in gumamit pa hin pepper spray agud bumaribad ha gobyerno han mga korapsyon hini ngan suportaran an demonstrating students.
Ginbuhat an mao nga protesta mahuman isumite han Serbian Progressive Party an ira agenda nga ginbaribadan han iba nga mga mambabalaud kun diin ginsugod han mga ini an parliamentary speaker ngan nag-amok pa hin kasamok ha mga gwardya.
An kasamok ha sakob han parliament in nagresulta hin pagka-stroke han usa nga mambabalaud ngan ginkasamad han tulo nga iba pa.
Nagtikang an mga protesta upat ka-bulan na an nakalalabay may paghsiumpay ha pagkamatay han 15 katawo han magparik an bug-os nga istasyon han tren ha Novi Sad.
Mahitungod hini in humaluwag an mga demonstrasyon nga nagtikang ha mga estudyante ngan ginsuportaran naman han mga manurutdo, parag-uma, ngan iba pa nga sektor ha Serbia.
Samtang, ginkondena naman ni Serbian President Aleksandar Vucic an askyon han oposisyon ngan gintawag ini nga “hooliganism,” gindoon niya nga papagbatunon nira an mga responsable han kasamok.
