-- Advertisements --
INTERNATIONAL NEWS– Nagkahimangraw an mga opisyal han Thailand ngan Cambodia para ha dayon nga ceasefire.
Gindumara an paghihimangraw ha Malaysia kun diin ine in pangandaman para ha hearing han mga defense ministers han duha nga nasud.
An nakatalaan nga paghihimangraw ha adlaw hiton Huwebes in oobserbaran han tinaglawas tikang ha China, US ngan Malaysia para dayon na nga mahuman an kasamok han duha nga nasud.
Kalakip ha ginsasapinal nira an detalye han monitoring team tikang ha Association of Southeast Asian Nations (ASEAN).
Manunumduman han nakalabay nga bulan, linmarab an pira na ka dekada nga dire pagkakaintindihay nga ginkamatay han 43 katawo ngan ginpapagbakwit liwat an 300,000 katawo ha nasabi nga lugar.
