TACLOBAN CITY—Dayon nga narespondihan hiton Bureau of Fire Protection Tacloban City, an nahitabo nga sunog ha Barangay 77, Marasbaras Tacloban City.
Sumala kan SFO2 Alvin Anthony Duran, Chief, Intelligence & Investigation Unit, BFP Tacloban City, naka-karawat hira hin tawag alas 3:25 hiton ka-agahon, ngan dayon naman hira nga rumisponde ngan gindeklara an fire out mga alas 4:57 hiton kama-agahon.
Subay ha ira gindumara nga imbestigasyon, naapektaran an building hiton Bureau of Fisheries and Aquatic Resources (BFAR-8), ha nasabi nga sunog, kun diin usa ha mga rason han pagsarang han kalayo in matungod nga mga kapapelan an nakadto han sulod hiton building, nga nakagkawsa hiton paglarab.
Dugang pa ni Duran, waray naman may nasamaran ngan namatay ha nasabi nga sunog.
Gin-isa naman ha 1st alarm an nasabi nga sunog, ngan ha pagkayana waray pa hira estimatimated nga danyos ha nasabi nga sunog, matungod nga padayon pa an ginhihimo nga imbestigasyon.
