TACLOBAN CITY – Nakatalaan na igpanhatag han Philippine Veterans Bank yana na bulan han Pebrero an All-in-one cards ha Pantawid Pamilya Pilipino Program o kun 4P’s beneficiaries ha probinsya han Leyte.
Ini an guinpahayag ni Mitch Calzado, tagapagyakan han 4P’s nga programa han Department of Social Wefare and Development (DSWD) Regional Office 8.
Dugang pa ni Calzado nga an Philippine Veternas Bank an panibag-o nga kapartner han DSWD ha pagpanrelease hin cash grant ha mga benepisaryo.
Mababaruan na malibot an mga representante han mao nga bangko ngan DSWD ha mga munisipyo ha Leyte agud magdistribwer han mga ATM cards.
Ginpasamwak guihapon han buhatan nga pilot testing pala an ginbuhat ha syudad han Tacloban, Tanauan ngan Palo, Leyte dida han nakalabay na Disyembre 2017 hasta Enero 2018 kun diin nakakarawat na an mga 4P’s beneficiaries han all in one cards.
Purluminos 55,000 pa nga mga cards an ig-didistribwer han Philippine Veterans Bank ha bug-os na probinsya han Leyte.
