NORTHERN SAMAR – Gin hihingita an probinsya han Northern Samar kumo masunod nga sentro han Offshore Wind Energy ha nasud.
Subay ha report, unom nga offshore wind an posible nga pagtukuron ha nasabi nga lugar.
Kun diin papangunahan ine han mga pribado nga kumpanya pinaagi han pakigbinuligay ha Department of Energy (DOE).
Ginlalauman naman nga makakaghatag an nasabi nga proyekto hin mas malimpyo nga enerhiya ngan mag-aabri hin oportunidad ha ekonomiya han Northern Samar ngan Pilipinas.
Samtang, sumala ha mga eksperto, dire sakto an teknikal nga kapas la agud maitukod dayun an proyekto.
Ine in mahitungod nga kinahanglan gihapon hine an suporta han mga katawhan han maaapektaran nga kumunidad.
Pira naman nga grupo an nagpahayag hin pagkabaraka ha isyu nga kinahanglan batunon agud masigurado nga magiging patas, sustenanable, ngan kakarawton han lokal nga komunidad an offshore wind energy nga igtutukod ha lugar.
Sumala kan Ann Margaret Francisco han Global Wind Energy Council (GWEC), waray angay ig kabaraka an publiko mahitungod nga dire igpapadayon an nasabi nga proyekto kun dire ine tugutan han komunidad han Northern Samar.
Pero kanit hine in importante nga mahibaruan han publiko an mga benipisyo nga maihahatag han Offshore Wind Farm sugad han local jobs, local revenue, livelihood, ngan supresyente nga kuryente para ha ngatanan.
Kun pananglitan nga waray maging samok ha butnga han local community ngan pribado nga kompanya in ig papadayon an nasabi nga proyekto ha tuig 2030. (via Bombo Shiela Encio)
