TACLOBAN CITY– Padayon an ginhihimo nga monitoring han Office of the Civil Defence OCD Region 8, ha mga lugar nga maapaektaran han Bagyong Kristine dinhi ha Sinirangan Bisayas.
Una hine, subay ha PAGASA ginpailarom mangud an Eastern Visayas ha Signal No.1, sanglit dayon an buhatan hiton OCD nagdumara hin panginano.
Sumala kan Office of Civil Defence Region 8, Information Officer, Sher Rysia Saises, nagpatuman na an pira nga mga lugar hin suspensyon han ira klase ngan trabao ngan an mga ine an masunod;
Bug-os nga Province of Northern Samar, Arteche Eastern Samar, Dolores Eastern Samar, San Julian, Eastern Samar, Tacloban City, Carigara Leyte, Palo, Leyte, Tolosa Leyte, Babatngon, Leyte , Dagami, Leyte, Tanauan, Leyte, Alangalang, Leyte, Calbiga, Daram, SamarM Motiong Samar, Catbalogan City, Calbayog City, Culaba, Caibiran, Naval, Kawayan,, Almeria, Burauen Community College, VSU Tolosa, Tolosa Leyte, Borongan City, Alang-Alang Leyte, Abuyog Leyte.
Dugang pa ni Saises, ada naman ha 4 nga pamilya an na evacuate ha Catubig Northern Samar, ngan 66 naman an ha San Roque Northern Samar, sugadman ginlalauman pa nga madudugangan an ihap pananglitan nga magmakusog pa an bagyo.
Naka-abat gihapon hin pagbaha an pira nga parti han Mapanas Northern Samar, kun diin umabot ine hin 2ft an kahitaas, samtang waray na elektisidad an pira nga lugar han Northern Samar, durot na gihapon han Bagyong Kristine.
Ginpaangbit pa hine, nga ha pagkayana maabot ha 2,027 nga mga pasaheros an stranded ha Allen Northern Samar, Tacloban Port, San Juan, San Rircardo, Liloan, Padre Burgos Southern Leyte, Catbalogan Calbayog Samar, ngan Bato Leyte.
Maabot naman ha 502 rolling cargoes, ngan 16 nga mga sakayan pandagat an stranded ha pagkayana ha mga pantalan.
Ha pagkayana, gin-isa han OCD-8 ha blue alert status an bug-os nga rehiyon 8.
