NATIONAL – Pareho nga igin siguro han National Security Council ngan Armed Forces of the Philippines nga mayda an mga ini epektibo nga counter-intelligence kontra ha mga gin tutuohan nga mga Chinese nga espiya nga nago-operate ha Pilipinas.
Ini in nagin reaksyon ni NSC Assistant Director General, Jonathan Malaya mahuman nga mabuyagyag ha Quad Comm hearing nga mayda mga Chinese sleeper agents nga nagdudumara hin mga operasyon ha nasod.
Sumala kan Malaya, ira pa gin va-validate an pahayag han usa nga self-confessed MSS agent nga hi She Zhijiang, labi na nga an nasabi nga indibidwal in usa nga wanted nga kriminal.
Bumaribad naman hi Malaya nga magkomento kasumpay ha posible nga pagkakadabi ni Alice Guo ha operasyon han mga Chinese nga espiya ha nasod.
Samtang, sumala naman kan AFP Spokesperson Col. Francel Margareth, padayon an gin bubuhat han ira intelligence community an pagkuha hin mga impormasyon ha operasyon han mga gin aaligar nga foreign spies.
