-- Advertisements --
TACLOBAN CITY –– Patay an usa nga gin-aalegar nga notorious drug pusher ha gindumara nga drug buy-bust operation han mga otoridad ha Brgy. Zone 1, Sogod, Southern Leyte.
Nakilala an suspek nga hi Mark Anthony Gan, ada ha sakto nga pangidaron ngan residente han mao nga lugar.
Sumala kan PMaj. Al John Teddy Llanes, hepe han Sogod Police Station, subay ha inisyal nga imbestigasyon nga nakatunog an suspek nga pulis an iya katransaksyon ngan tigda bumunot han iya pusil ngan nagpabuto.
Dayon naman nga bumulos hin buto an kampo han mga kapulisan ng nagresulta ha kamatayon han suspek.
Nakuha ha posesyon hini an 14 ka sachet han gintutuuhan nga shabu nga may estimated market value nga 80,000 pesos.
