TACLOBAN CITY – Naghatag hin baton an National Housing Authority region 8, kasumpay ha nagin pahayag ni Mayor Alfred Romouldez kanit han isyu han paghingayad han mga pabahay ha metro Tacloban.
Sumala kan Engr. Clemente A. Dayot, Regional Manager NHA 8, ugsa nga tikangan an pabahay in na-agi anay ine ha pagkuha hiton building permit.
Dugang pa hine, naagi gihapon ine ha Certificate of Acceptance kun diin gin kikita ine hiton local nga panggubyernuhan.
Gindig-unan pa ni Dayot, kun may makita nga mga ruba ha usa nga pabahay an responsible hine iton LGU sugadman an MDDDRMO o CDRRMO para mag inspection.
Manunumduman, ha iginpagawas nga statement ni Romouldez iya gin batikos an anay administrasyon nga kun diin gintawag an alkalde nga palpak ngan mga substandard an nagin proyekto han NHA.
Ha pagkayana in aada ha 54 thousands an na turnover nga pabahay ha Sinirangan Bisayas, ngan target yana naman nga tuig an 58 thousands nga mga pabahay.
Para naman han mga karuyag daw mag avail han mga pabahay pwede dumaop ha LGU o ha NHA nga buhatan.
