ODD NEWS – Ginpaangbit han National Museum of the Philippines Bohol an ika duha nga fossil tooth tikang ha mga dagko nga predatory shark nga kun tawagon in Megalodon nga nabilngan ha mao nga probinsya.
![](https://img.bomboradyo.com/tacloban/2020/11/megalodon-fossil-tooth-bohol-1593703052.jpg)
Subay ha NM Bohol Area Museum ha post hine ha Facebook nga nadiskubrehan hiton indibidwal nga ginkilala kumo Christian Gio Bangalo ha Barangay Handi an ngipon tikang ha extinct nga hayop.
Aada ha 7.6 cm x 6.5 cm an kadako han ngipon.
Ginpunto ha post nga nai-donate an ngipin han Megalodon ha National Museum hadton Mayo 28, 2020, ngan ine na an ika-duha nga megalodon specimen nga natad-an ha syudad han Maribojoc.
Mababaruan nga an megalodon in ginkukunsidera kumo pinaka dako nga pating nga nabuhi ha mga kdagatan han kalibutan.
Manunumduman nga nabelngan an pinaka syahan nga fossils hadton 20-milyon ka tuig na an nakakalabay.
Sugadman hadton 2.6-milyon ka tuig na an nakakalabay in nawara an tanan nga mga dokumento nga nagpapamatuod ha existence han megalodon.
Subay ha museum na an syahan nga ngipon han Megalodon tikang ha Bohol in nabelngan han usa pa nga lokal nga hi Venjo Busalla ha town plaza han Maribojoc hadton 2018.
Hapagkayana in naka-display na ine ha National Museum of Natural History han Manila kaupod na an iba pa nga megalodon specimens tikang ha Cagayan ngan Pangasinan.