TACLOBAN CITY- Guin klaro han pamunuan han National Grid Corporation of the Philippines ( NGCP) nga damo an naguba nga transformer ha linyada han kuryente nga naidurot han linog ha probinsya han Leyte.
Sumala kan Edna Legaspina, Media Relation Officer han NGCP nga nagpapadayon pa ha pagkayana nga guin babalyuan han ira mga katawhan an unom nga naguba nga transformer ha linyada han kuryente ha magkadirudilain nga parte han probinsya.
Dugang pa ni Legaspina nga gawas la han naguba nga mga transformer, usa daw la nga tore an lumaprak ha Barangay Tongonan han Ormoc.
Una hini, guinpahayag han NGCP nga apektado an ira operation mahitungod han naeeksperiensyahan nga patigda ngan makusog nga pag-uuran nga mga aftershocks.
Samatang, waray naman nagpagawas hin eksakto nga petsa hi Legaspina kun san-o maibabalik an suplay han kuryente ha bug-os nga Sinirangan Bisayas.
An kaparte han pamahayag ni Edna Legaspina, Media Relation Officer han National Grid Corporation of the Philippines ( NGCP)
