-- Advertisements --
TACLOBAN CITY – Gintagan hin kasayuran han National Grid Corporation of the Philippines (NGCP) an bahin han nahitabo nga unscheduled power interruption kanina han aga.
Una hini, humagos hin haros kinse minutos an tigdaay nga pagparong han kuryente ha bug-os nga coverage area han LEYECO II ha Tacloban, Palo ngan Babatngon.
Sumala kan Melfrance Capulong, han NGCP, nga subay ha ira fault locator may banda Palo nga lugar an naging hinungdan han power interruption.
Ha pagkayana in padayon pa nira nga ginpapanginano an naging hinungdan han blackout.
Nangaro naman ini hin dispensa ha mga konsumidor nga naapektaran han mao nga unscheduled power interruption.
