NATIONAL NEWS– Nanindugan hi National Food Authority (NFA) Administrator Larry Lacson nga waray kanito hiton pulitika an ginbabaligya nga P20 nga bugas ha publiko.
Subay kan Lacson, an pagpapagawas han bugas nga ginbabaligya ha presyo nga P20 kada kilo in madugay na nga ginpla-planuhan ngan gin-aalutagahan hin pondo para ha dako nga bulto hiton bugas nga pwede igbaligya hin hamubo nga presyo.
Manunumduman, han nakalabay nga tuig pa ine ginplanuhan ngan ha sulod hiton hilaba nga panahon ginsapinal na an plano ngan proyekto agud magin maupay an implementasyon hine.
Dugang pa hine, dire ginkokonsidera an mga himangrawon ha pulitika ha paglulunsar han nasabi nga programa, lugod ginkikita dinhi an magigin benepisyo nga makukuha han mga benepisyaryo nga kwalipikado nga mapalit hine.
