TACLOBAN CITY – Mahitungod han kakulangan ha supply han bugas ha National Food Authority (NFA), ginlimitahan han mao nga ahensya an alokasyon han rehiyon ha maabot 5,000 nga mga accredited grain retailers.
Sumala kan NFA 8 Assistant Regional Manager Raymond Tafalla, nga tikang han dati nga lima ka-bags nga alokasyon ha kada tindahan, gin-ibanan ini ha duha nala nga bag han nakalabay nga semana mahitungod ngan kakulangan han supply han NFA rice.
Samtang, ginklaro naman ni Tafalla nga waray sadang ikabaraka an publiko bahin hini mahitungod nga mas darudamo la gihapon an nagamit o napalit hin commercial rice kontra han NFA rice.
Dugang pa hini nga waray ha kaluyo han kakulangan han supply han NFA rice waray naman problema ha supply han commercial rice ha rehiyon ngan ha bug-os nga nasud.
Mahibabaruan nga ha pagkayana in maabot nala ha 62, 509 nga bags hin NFA rice an nakastock ha rehiyon kun diin sakto nala ini para ha duha kaadlaw.
